Ya Hussain Ibne Ali Lyrics | Latest Moharram Noha Lyrics

Ya Hussain Ibne Ali Lyrics:- Tejhani Brother sang this Beautiful Noha in their Pleasant and melodious Voice. This Noha is loved by many peoples all around the World. 


ya-hussain-ibne-ali-lyrics

Ya Hussain Ibne Ali Lyrics

Hazaro mai wo bahattar (72) tan thay tasleem o raza wale

Haqeeqat mai khuda unka tha aur ye thay khuda wale

Hussain ibn e Ali ki kya madad kar sakta tha koi

Wo khud mushkil kusha aur thay mushkil kusha walay

Allah ki raza hai mohabbat Hussain ki

Likhta hoon khoon e dil se shahadat Hussain ki

Ya Hussain ibn e Ali, Ya Hussain ibn e Ali

Ya Hussain ibn e Ali, Ya Hussain ibn e Ali

Jab Karbala mai aaye dularaay Batool ke

Sher e khuda ke Laal nawasaay Rasool kay

Charo(n) taraf se gher liya foj e sham ne

Ye zulm Sayyado(n) pe kiya fauj e sham ne

Ik zakhm dil pe aur bhi gehra laga diya

Darya pe bhi la’eeno(n) ne pehra laga diya

Ya Hussain ibn e Ali, Ya Hussain ibn e Ali

Ya Hussain ibn e Ali, Ya Hussain ibn e Ali

Zainab ne jab nigahoo(n) se dekha ye majra

Aa kar kaha Hussain se bhayya suno zara

Karti hun is ghareebi main mai aakhri sawal

Khidmat mai leke aayi hoon mai apne dono laal

Mana ke ye tumhari behen ka qarar hai

Pyaray Hussain tujh pe ye bachchay nisaar hain

Ya Hussain ibn e Ali, Ya Hussain ibn e Ali

Ya Hussain ibn e Ali, Ya Hussain ibn e Ali

 

Zainab ki baat sun ke shah e deen ro diye

Jaise kisi ne rooh mai nishtar chubho diye

Farmaya jaao rann ki ijazat bhi hum ne di

Inko shaheed hone ki izzat bhi hum ne

Zainab tumhare laal lahoo mai nahaye(n) gy

Ye laal hum se pehlay hi jannat mein jayenge

Shabbir itna keh ke pareshaan ho gaye

Aon o Muhammad aap pe qurbaan ho gaye

Ya Hussain ibn e Ali, Ya Hussain ibn e Ali

Ya Hussain ibn e Ali, Ya Hussain ibn e Ali

Asghar Ali bhi raahiye baagh e iram hue

Abbas ke bhi nehr py baazu qalam hue

Qaasim ka seena chid gaya Akbar hue shaheed

Raah e khuda main sab hi Dilawar hue shaheed

Zahra ka sabr chin gaya Haider ka ghar luta

Afsoos Karbala mai Payambar ka ghar luta

Ya Hussain ibn e Ali, Ya Hussain ibn e Ali

Ya Hussain ibn e Ali, Ya Hussain ibn e Ali

Ik dard se Imam ka chehra udas hai

Mehsoos ho raha hai ke Kaaba udaas hai

Bachchon ka dukh hai seenay mai fikr e haram bhi hai

Aur iske saath nana ki ummat ka gham bhi hai

Sher e khuda ke sher ki halat ajeeb hai

Wo khub jante hain shahadat qareeb hai

Ya Hussain ibn e Ali, Ya Hussain ibn e Ali

Ya Hussain ibn e Ali, Ya Hussain ibn e Ali

Beemar nunehaal ko bistar pe choor kar

Shabbir rann mai chal diye ghore ko mor kar

Seenay mai apne jazba e imaa(n)liye hue

Nikle hain lab pe aayat e Quran liye hue

 

Ji jaan hi azeez na raahat azeez thi

Unhai(n) to Karbala mai shahadat azeez thi

Ya Hussain ibn e Ali, Ya Hussain ibn e Ali

Ya Hussain ibn e Ali, Ya Hussain ibn e Ali

Darya bahaa jo fouj ka piyaasay ko dekh kar

Sab kaanp uthe Nabi ke nawase ko dekh kar

Teer o tameer barasney lagay shah e deen par

Khoon e Hussain girnay laga jab zameen par

Us khoo(n) ko firishtoo(n) ne daaman main lelia

Ik boond ko bhi rait pe girnay nahi diya

Ya Hussain ibn e Ali, Ya Hussain ibn e Ali

Ya Hussain ibn e Ali, Ya Hussain ibn e Ali

Zakhmo(n) se choor ho gaya jo Murtaza ka laal

Sajde mein sar jhuka ke kaha Rab e Zuljalal

Yahoo(n) ke saye main mera sajda qabool kar

Ye aakhri namaz hai Maula qabool kar

Is tarha poora ho gaya taqdeer ka likha

Sukhe gale pe chal gaya khanjar la’een ka

Ummat ko yun bachaya shah e be-misaal ne

Sajde mein sar kata diya Zahra ke laal ne

Ya Hussain ibn e Ali, Ya Hussain ibn e Ali

Ya Hussain ibn e Ali, Ya Hussain ibn e Ali

Ya Hussain ibn e Ali, Ya Hussain ibn e Ali

Ya Hussain ibn e Ali, Ya Hussain ibn e Ali

Ya Hussain ibn e Ali, Ya Hussain ibn e Ali

Ya Hussain ibn e Ali, Ya Hussain ibn e Ali

ALSO CHECKOUT :- [ NAAT LYRICS COLLECTION 2020 ]

Checkout the YouTube Video of Ya Hussain Ibne Ali

Leave a Comment