Mustafa Jane Rehmat Pe Lakhon Salam Lyrics in English
Mustafa, Jaane Rahmat Pe Lakhon Salam
Sham-e-Bazm-e-Hidayat Pe Lakhon Salam
Mehr-e-Charkh-e-Nubuwwat Pe Roshan Durood
Gul-e-Bagh-e-Risalat Pe Lakhon Salam
Shehar-e-Yaar-e-Iram, Tajdar-e-Haram
Nau-Bahar-e-Shafa’at Pe Lakhon Salam
Shab-e-Asra Ke Dulha Pe Daim Durood
Nausha-e-Bazm-e-Jannat Pe Lakhon Salam
Ham Ghareebo Ke Aqa Pe Behad Durood
Ham Faqiro Ki Sarwat Pe Lakhon Salam
Door-o-Nazdeek Ke Sunne Wale Wo Kaan
Kaan-e-La’al-e-Karamat Pe Lakhon Salam
Jis Ke Mathe Shafa’at Ka Sehra Raha
Us Jabeen-e-Saadat Pe Lakhon Salam
Jin Ke Sujde Ko Mehrab-e-Ka’aba Jhuki
Un Bhavon Ki Lataafat Pe Lakhon Salam
Jis Taraf Uth Gai, Dam Mein Dam Aa Gaya
Us Nigah-e-Inayat Pe Lakhon Salam
Neeci Aankhon Ki Sharam-o-Haya Par Durood
Oonchi Beeni Ki Rif’at Pe Lakhon Salam
Patli Patli Gul-e-Quds Ki Pattiyan
Un Labon Ki Nazakat Pe Lakhon Salam
Wo Dahan Jis Ki Har Baat Wahi-e-Khuda
Chashma-e-Ilm-o-Hikmat Pe Lakhon Salam
Wo Zaban Jis Ko Sab Kun Ki Kunji Kahen
Us Ki Nafiz Hukumat Pe Lakhon Salam
Jis Ki Taskheen Se Rote Hue Hass Paden
Us Tabassum Ki Aadat Pe Lakhon Salam
Haath Jis Samt Uththa Ghani Kar Diya
Mauj-e-Bahr-e-Samahat Pe Lakhon Salam
Jis Ko Bar-e-Do-Aalam Ki Parwa Nahin
Aise Baazu Ki Quwwat Pe Lakhon Salam
Jis Suhaani Ghadi Chamka Tayyaba Ka Chand
Us Dil-Afroz Sa’at Pe Lakhon Salam
Kis Ko Dekha Ye Musa Se Pooche Koi
Aankhon Walon Ki Himmat Pe Lakhon Salam
Ghaus-e-A’zam Imam-ut-Tuqaa-wan-Nuqaa
Jalwa-e-Shan-e-Qudrat Pe Lakhon Salam
Jis Ki Mimbar Hui Gardan-e-Aulia
Us Qadam Ki Karamat Pe Lakhon Salam
Ek Mera Hi Rahmat Mein Da’wa Nahin
Shah Ki Saari Ummat Pe Lakhon Salam
Kaash! Mahshar Mein Jab Un Ki Aamad Ho Aur
Bhejein Sab Un Ki Shaukat Pe Lakhon Salam
Mujh Se Khidmat Ke Qudsi Kahein Haan
Raza
Mustafa, Jaane Rahmat Pe Lakhon Salam
Also Read – Naat Lyrics
Mustafa Jane Rehmat Pe Lakhon Salam 4 Line Lyrics
- “Mustafa Jane Rehmat Pe Lakhon Salam”
- “Sham-e-Bazm-e-Hidayat Pe Lakhon Salam”
- “Mehr-e-Charkh-e-Nubuwwat Pe Roshan Durood”
- “Gul-e-Bagh-e-Risalat Pe Lakhon Salam”
Mustafa Jane Rehmat Pe Lakhon Salam Tazmeen Lyrics
Jisne Hamko Diya Hai Khuda Ka Payam
Jiska Ala Hai Rutba Hai Ala Maqam
Jinke Sadke Me Hai Ye Zami Aasman
Jinki Tareef Me Hai Ye Sara Quraan
Sare Nabiyo Me Ala Hai Jinka Makam
Kyu Na Unpar Padhe Jhum Kar Ham Salam
Mustafa Jane Rahmat Pe Lakho Salam
Shamye Bazme Hidayat Pe Lakho Salam
Darde Dil Naam Lene Se Hota Hai Kam
Isliye Naam Aaqa Ka Lete Hai Ham-2
Jhoom Kar Likh Raha Hai Raza Ka Kalam
Shahre Yaare Iram Taj Dare Haram
Nou Bahare Shafa’at Pe Lakho Salam
Mustafa Jane Rahmat…
Aaya Saa’il To Muh Ka Niwala Diya
Najar Altaf Dali Gani Kar Diya-2
Anpe Nana Ka Wada Wafa Kar Diya
Ghar Ka Ghar Sab Supurde Khuda Kar Diya
Us Husain Ibne Haidar Pe Lakho Salam
Mustafa Jane Rahmat….
Jinki Maa Fatima Aur Hai Nana Rasool
Kitni Pakiza Hai Unke Kadmo Ki Dhool-2
Marhaba Marhaba Wo Hai Ale Rasool
Kitne Mahke Huye Hai Madine Ke Phool
Karbala Teri Kismat Pe Lakho Salam
Mustafa Jane Rahmat….
Kitni Arfa Hai Shaane Habibe Khuda
Malike Do Saran Sarware Ambiya-2
Muqtadi Jis Ke Sab, Sab Ka Jo Muqtada
Jis Ke Zere Leva Aadmo Mansava
Us Saza e Siyadat Pe Lakhon Salaam
Mustafa Jane Rehmat Pe Lakho Salam….
Duba Suraj Kisi Ne Bhi Phera Nahi
Koi Misle Yadullah Bhi Dekha Nahi-2
Jiski Taqat Ka Koi Thikana Nahi
Jisko Baare Do Alam Ki Parvah Nahi
Ese Baazu Ki Quwwat Pe Lakho Salam
Mustafa Jane Rahmat Pe Lakho Salam…
Kamli Wale Ki Jisko Rafaqat Mili
Sab Sahaba Ki Jisko Imamat Mili-2
Sabse Pahle Jise Hai Khilafat Mili
Baad Nabiyo Ke Jisko Hai Izzat Mili
Uske Taaje Khilafat Pe Lakho Salam
Mustafa Jane Rahmat Pe Lakho Salam…
Deeno Duniya Diye Maal Aur Zar Diya
Hooro Ghilman Diye Khuldo Kausar Diya-2
Damne Maqsade Zindagi Bhar Diya
Hath Jis Samt Utha Ghani Kar Diya
Mauje Behre Sakhawat Pe Lakhon Salaam
Mustafa Jane Rehmat Pe Lakho Salam….
Jinki Ajmat Pe Sadke Wakaare Haram
Jinki Julfo Pe Sadke Bahaare Haram-2
Nou Shaye Bazme Parvar Digare Haram
Shahre Yare Iram Tajdare Haram
Nou Bahare Shafa-at Pe Lakho Salam
Mustafa Jane Rahmat….
Jiske Chahre Pe Jalwo Ka Pahra Raha
Najmo Taha Ke Jurmut Me Chehra Raha
Husn Jiska Har Ek Chhab Me Gahra Raha
Jiske Mathe Shafa-at Ka Sahra Raha
Us Jabine Sa-aa dat Pe Lakho Salam
Mustafa Jane Rahmat….
La Maqa Ki Zami Bahre Kaaba Jhuki
Rif Ate Manzile Arshe Ala Jhuki
Ajmate Qiblaye Deeno Duniya Jhuki
Jinke Sajde Ko Mehrabe Kaaba Jhuki
Un Bhawon Ki Latafat Pe Lakho Salam
Mustafa Jane Rahmat….
Pad Gayi Jis Pe Mehshar Me Baqsha Gaya
Dekha Jis Samt Abre Karam Chha Gaya
Rukh Jidhar Ho Gaya Jingadi Pa Gaya
Jis Taraf Uth Gayi Dam Me Dam Aa Gaya
Us Nigahe Inayat Pe Lakho Salam
Mustafa Jane Rahmat….
Jis Ke Jalwe Jamane Pe Chhane Lage
Jiski Jou Se Andere Thikane Lage
Jis Se Julmat Kade Noor Pane Lage
Jis Se Tarif Dil Jagmagane Lage
Us Chamak Wali Rangat Pe Lakho Salam
Mustafa Jane Rahmat….
Kuljume Husn Ki Jinko Shakhe Kahen
Jin Se Sote Latafat Ke Futa Karen
Jin Se Nahre Tajalli Ki Jari Rahen
Noor Ke Chashme Lahraye Dariya Bahen
Ungliyo Ki Karamat Pe Lakho Salam
Mustafa Jane Rahmat….
Kaabaye Deeno Din Yaani Nakshe Qadam
Jinki Ajmat Nahi Arshe Azam Se Kam
Har Bulandi Ka Sar Ho Gaya Jis Pe Kham
Khayi Kur’aa Ne Khake Guzar Ki Kasam
Us Kafe Pa Ki Hurmat Pe Lakho Salam
Mustafa Jane Rahmat….
Me Bhi Hu Ek Gada Ye Dare Auliya
Me Bhi Hu Ek Sage Kuye Gousul Wara
Me Bhi Hu Zar’raye Kuchaye Mustafa
Tere Un dosko Ke Tufaile Khuda
Bandaye Nange Khil’kat Pe Lakho Salam
Mustafa Jane Rahmat….
Abre Judo Karam Kis Pe Barsa Nahin
Tera Lutfo Karam Kis Pe Dekha Nahin
Kis Jaga Aur Kahan Tera Jalwa Nahin
Ek Mera Hi Rehmat Pe Daawa Nahin
Shah Ki Sari Ummat Pe Lakhon Salaam
Mustafa Jane Rehmat…
Aftabey Qayamat Ke Badley Hon Taur
Jab Ke Ho Har Taraf Nafsi, Nafsi Ka Dour
Jab Kisi Ko Na Ho Fursato Fikro Gour
Kaash Mehshar Mein Jab Unki Aamad Ho Aur
Bhejein Sab Unki Shaukat Pe Lakhon Salaam
Mustafa Jane Rehmat…
Murshidi Shah Ahmad Raza Kha’n Raza
Faiziyabe Kamalate Hassan Raza
Sath Akhtar Bhi Ho Zam Zama Kha’n Raza
Mujhse Khidmat Ke Kudsi Kahe Ha Raza
Mustafa Jane Rehmat Pe Lakho Salam
Shamye Bazme Hidayat Pe Lakho Salam