Ilahi Teri Chokhat Per Bhikari Ban Ker Aya Hoon Lyrics | New Naat Lyrics [2022]

Ilahi Teri Chokhat Per Bhikari Ban Ker Aya Hoon Lyrics – This naatepak is sung by Junaid Jamshed in his melodious voice, which is loved by thousands of people all over the world. Below you’ll find the beautiful naat lyrics in English. Also, I’ve embedded the YouTube video after the lyrics so you can sync with the lyrics.

Ilahi Teri Chokhat Par Bhikari Ban Kar Aaya Hoon Lyrics


Zahir ki ankh se na tamasha kare koi,
Ho dekhna to deeda-e-dil wah kare koi,
Parh bethay kiya samajh ker bhala toor per kaleem
Takkat ho deed ki to taqaza kare koi
Ilahi teri chokhat per bhikari ban ker aya hoon,
Sarapa faqr hoon, ijz-o-nadamat saath laya hoon,
Bhikari woh ke jis ke paas jholi hai na payala hai,
Bhikari woh jisey hiras-o-hawas nay maar dala hai,
Mata-e-deen-o-danish, nafs ke hathon se lutwa ker.
Sakoon-e-qalb ki daulat hawas ki bhent charha ker,
Lutta ker sari poonji ghaflat-o-issyan ki daldal mein,
Sahara lene aya hoon tere kaabay ke aanchal mein,
Gunahon ki lipatt sey, kaynat-e-qalb afsurda,
Iraaday muzmehehal, himmat shikasta hoslay murda,
Kahan say laoon takat dil ki sachi tarjumani ki,
Ke kis jhanjhal mein guzri hein ghariyan zindagani ki.
Khulasa yeh ke bus jull bhun ker apni roo-sayahi sey,
Sarapa faqr ban ker apni haalat ki tabahi sey,
Tere darbar mein laya hoon apni ab zaboon-haali,
Teri chokhat ke laeq har amal se hath hein khali,
Yeh Tera ghar hai ye Tere mehr ka darbar hai Maula
Sarapa noor hai, ik mohbat-e-anwaar hai Mola.
Teri chokhat ke jo adab hein, main unn se khali hoon,
Nahi jis ko saleeqa manganey ka, woh sawali hoon
Zuban ghalt-e-nadamat dil ki na’kas tarjumani per,
Khudaya reham meri iss zaban-e-ijz-zabani per,
Ye ankhein khushk hein, Ya Rabb inhein rona nahi aata,
Sulagtay daagh hein dil mein jinhein dhona nahi aata.
Ilahi teri chokhat per bhikari ban kay aaya hoon,
Sarapa faqr hoon, ijz-o-nadamat saath laya hoon,
Sarapa faqr hoon, ijz-o-nadamat saath laya hoon.


Checkout the YouTube Video of Ilahi Teri Chokhat Par Bhikari Ban Kar Aaaya Hoon Lyrics

As Subhu Bada Min Lyrics

Jhule Jhule Piyare Muhammad Naat Lyrics

Rukh Se Parda Lyrics

Us Hussain Ibne Haider Pe Lakhon Salam Lyrics

Kun Faya Kun Lyrics

Leave a Comment